За пошук працы па тэлефоне здымаюць па 700 тысяч рублёў

Званок на распаўсюджаных у гарадах аб'явах абыходзіцца ў круглую суму. Пра гэта гаворыцца ў паведамленьні ў групе Полацка й Наваполацка ў сацыяльнай сетцы «Вконтакте».

«Працадаўца» абяцае заробкі да 20 мільёнаў беларускіх рублёў. Дадзеныя ўлёткі раскідваюць па паштовых скрынях. Раней палачане й навапалачане ўжо атрымлівалі падобныя ўлёткі, сутнасьць ўсюды адна, толькі нумары тэлефонаў могуць адрозьнівацца. Большасьці зацікаўленых «працай», якія пазванілі па падобных нумарах - выстаўляюцца ў выніку велізарныя рахункі за аплату хатняга тэлефона. Сумы дасягалі да 700 тысяч рублёў », - гаворыцца ў паведамленьні.

Пададзены ў аб'яве нумар прадстаўлены "Белтэлекамам» брэсцкаму прадпрымальніку для аказаньня даведачна-інфармацыйных паслуг.

Тарыф за хвіліну званка на яго складае: 49200 рублёў.

charter97.org/яс