У Беларусі зьніжаны ўзроставы парог крымінальнай адказнасьці

У Беларусі зьнізілі з 16-ці да 14-ці гадоў узрост крымінальнай адказнасьці за некаторыя злачынствы. Пра гэта паведаміў намесьнік кіраўніка Адміністрацыі прэзыдэнта Валерый Міцкевіч. Новаўвядзеньне прадугледжвае закон Аб унясеньні зьменаў і дадаткаў у шэраг кодэксаў Рэспублікі Беларусь. Паводле Міцкевіча, з 14-ці гадоў будуць прыцягваць да крымінальнай адказнасьці за крадзеж шляхам выкарыстаньня камп’ютарнай тэхнікі, і за ўхіленьне ад адбыцьця пакараньня ў выглядзе абмежаваньня волі. Адзначаецца, што на гэты крок давялося пайсьці з прычыны павелічэньня падобных злачынстваў, зьдзейсьненых непаўналетнімі.

рацыя/вс