Замежныя інвэстыцыі ў Беларусь скараціліся на 1 млрд даляраў

За студзень-чэрвень інвэстыцыі з-за мяжы ў рэальны сэктар эканомікі Беларусі (акрамя банкаў) склалі 4,7 млрд даляраў супраць як 5,7 млрд даляраў за першае паўгодзьдзе 2015 года. Пра гэта сьведчаць дадзеныя Нацыянальнага статыстычнага камітэта.

Асноўнымі інвэстарамі арганізацый краіны былі субʼекты гаспадараньня Расеі (50,2% ад усіх інвэстыцый), Вялікабрытаніі (20,5%), Кіпра (7,5%). Прамых замежных інвэстыцый паступіла на 3,9 млрд даляраў (83% ад усіх замежных інвэстыцый).

За студзень-чэрвень арганізацыі Беларусі (акрамя банкаў) накіравалі за мяжу інвэстыцый на 2 млрд даляраў, зь іх 51,8% – у Расею, 21,9% – ва Ўкраіну, 14,6% – у Вялікабрытанію. На долю прамых інвэстыцый прыйшлося 91,3% усіх накіраваных інвэстыцый за мяжу.

тэлеграф/вс