Беларусь ставіць на мясцовае паліва

Гэтыя патрабаваньні прагучалі сёньня падчас нарады па пытаньнях энэргаэфэктыўнасьці.

Беларускі лідар заявіў, што яму балюча глядзець, як зьнікае вялізная колькасьць біярэсурсаў. Іх жа можна выкарыстоўваць як паліва, дадаў Лукашэнка ды запатрабаваў актывізаваць працу па выкарыстаньні ўласных паліўных рэсурсаў. Гэтым крокам улады хочуць скараціць залежнасьць ад імпарту ды зьнізіць сабекошт вырабленай прадукцыі.

Паводле словах Аляксандра Лукашэнкі, ва ўмовах залежнасьці Беларусі ад імпартных энергарэсурсаў дадзенае пытаньне з кожным годам становіцца ўсё больш актуальным. Беларусі трэба прадэманстраваць эфэктыўнасьць у гаспадараньні ды зьніжэньні затрат.

Паводле Белта/Наша Ніва/юл