Эўракамісія правядзе стрэс-тэставаньне на беларускай АЭС

19-20 верасьня Беларусь наведае дэлегацыя Эўракамісіі на чале з намесьнікам кіраўніка генэральнага дырэктарата ў энэргетыцы Герасімасам Томасам. Праграма працоўнага візыту дэлегацыі прадугледжвае сустрэчы з кіраўніцтвам МЗС, перамовы ў Міністэрстве энэргетыкі, МНС і Дзяржатамнаглядзе. Прадстаўнікі Эўракамісіі наведаюць пляцоўку будаўніцтва Беларускай АЭС.

Па словах прэс-сакратара МЗС Дзьмітрыя Мірончыка, асноўнай тэмай візыту будзе стрэс-тэставаньне, гэта значыць – ацэнка рызыкі й бясьпекі АЭС.

Нагадаем, ноччу 10 ліпеня на будаванай АЭС адбыўся інцыдэнт – падчас выпрабавальнага ўсталяваньня корпусу рэактара 330-тонны агрэгат сарваўся і ўпаў з вышыні ад двух да чатырох мэтраў. Пра гэты факт стала вядома толькі 25 ліпеня з паведамленьняў у сацыяльных сетках.

charter97.org/нг