Менск і Ватыкан абмеркавалі пэрспэктывы супрацоўніцтва

Прадстаўнікі міністэрства замежных справаў Беларусі сустрэліся з Папам Рымскім – паведамляе афіцыйнае інфармагенцтва БЕЛТА.

Супрацоўніцтва Беларусі з Ватыканам абмяркоўвалася падчас працоўнай паездкі амбасадара Беларусі ў Вялікабрытаніі ды па сумяшчальніцтве амбасадара пры Сьвятым пасадзе Сяргея Алейніка.

Сяргей Алейнік правёў кароткую размову з папам Францішкам, сустрэўся з дзяржаўным сакратаром Ватыкана П’етрам Паралінам і кіраўніком ватыканскай дыпляматыі арцыбіскупам Полам Галахерам. Як зазначае інфармагенцтва БЕЛТА, ватыканскія і беларускія дыпляматы “абмеркавалі ход рэалізацыі дамоўленасьцяў, дасягнутых падчас візыту Аляксандра Лукашэнкі ў Ватыкан у траўні 2016 году”.

Прыгадаем, тады Аляксандар Лукашэнка падзякаваў Папе Рымскаму Францішку за дапамогу ў паляпшэньні стасункаў з Эўразьвязам, паабяцаў разьвіваць стасункі і запрасіў пантыфіка наведаць Беларусь.

Акрамя гэтага, амбасадар Сяргей Алейнік сустрэўся з дырэктарам музэяў Ватыкана і прэфэктам Апостальскай бібліятэкі, зь якімі абмеркаваў пытаньні разьвіцьця ўзаемадзеяньня ў галіне культуры.

belta.by/ап