У Беларусь зь інспэкцыяй прыехала місія МАГАТЭ

Сёньня ў Астраўцы пачалі працу экспэрты службы Міжнароднага агенцтва атамнай энэргетыкі (МАГАТЭ). Яны аглядаюць пляцоўку і канструкцыі Беларускай АЭС на прадмет вонкавых пагрозаў (SEED-місія), паведаміла МЗС Беларусі.

Экспэрты маюць ацаніць, якія небясьпечныя сытуацыі могуць узьнікнуць, і ці вытрымаюць канструкцыі і сыстэмы БелАЭС гэтыя пагрозы. Таксама экспэрты будуць ацэньваць выкананьне экалягічных патрабаваньняў МАГАТЭ.

Беларускія дыпляматы заявілі, што справаздача SEED-місіі МАГАТЭ будзе падрыхтавана не раней за сакавік. Пры гэтым МЗС просіць МАГАТЭ максымальна паскорыць працэс.

Да канца 2017 году Беларусь плянуе прыняць яшчэ прынамсі адну місію МАГАТЭ — разгляду аварыйнай гатоўнасьці і рэагаваньня (EPREV).

Паводле Белта/Радыё “Свабода”/юл