Logo Polskiego Radia
Print

Паліткамітэт ПАРЭ абмяркоўвае сытуацыю ў Беларусі

PR dla Zagranicy
Anna Zadrożna 24.01.2017 10:56
У слуханьнях прымаюць удзел двое дэпутатаў з Палаты прадстаўнікоў і прадстаўнік цэнтру „Вясна”.
Photo:Gideon Benari/flickr.com/Commercial use allowed

24 студзеня ў Страсбурзе адбываецца паседжаньне Камісіі па палітычных пытаньнях і пытаньнях дэмакратыі Парлямэнцкай асамблеі Рады Эўропы. Сярод пытаньняў, якія плянуюць разгледзець эўрадэпутаты, ёсьць і адносіны ПАРЭ зь Беларусьсю.

На пасяджэньне ПАРЭ запрасіла дваіх дэпутатаў з Палаты прадстаўнікоў — Андрэя Навумовіча й Ганну Канапацкую. Таксама ў слуханьнях прымае ўдзел намесьнік старшыні праваабарончага цэнтру „Вясна” Валянцін Стэфановіч.

У Парлямэнцкую асамблею Рады Эўропы ўваходзяць 47 краінаў. Парлямэнт Рэспублікі Беларусь меў у ПАРЭ статус „спэцыяльна запрошанага”. Аднак у студзені 1997 году Беларусь пазбавілі гэтага статусу. Падставай для такога рашэньня сталі шматлікія парушэньні падчас правядзеньня так званага рэфэрэндуму ў лістападзе 1996 году.

svaboda.org/аз

Print
Copyright © Polskie Radio S.A Пра нас Кантакт