У Менску падчас стрымінгу затрымалі Зьмітра Дашкевіча

Дашкевіча затрымалі ў той момант, калі ён выходзіў з офіса Партыі БНФ на вуліцы Чарнышэўскага ў Менску. На тратуары да яго падышла дзяўчына ў цывільным, назвалася супрацоўніцай міліцыі – і ў той жа момант актывіста «скруцілі» нейкія мужчыны. На гэтым трансьляцыя абарвалася.

За Дашкевічам ужо некалькі дзён сачыў сіні мікрааўтобус.

Юрась Губарэвіч выпадкова стаў сьведкам затрыманьня і ў сваім фэйсбуку апублікаваў відэа з затрыманьня Дашкевіча.

«Відавочна, што Зьміцер супраціўляўся працяглы час, бо вакол сабраўся невялікі натоўп мінакоў. Людзей у форме не было. Машыны без апазнавальных знакаў. Усё гэта выглядала на сапраўдны бандыцкі напад і кіднэпінг», – напісаў Губарэвіч.

nn.by/яс