Беларусь чакае ад Францыі прабачэньняў

4 траўня ў Міністэрства замежных спраў Беларусі быў выкліканы французскі амбасадар Дыд’е Канэс. Як інфармуе прэс-служба МЗС Беларусі, намеснік міністра замежных спраў Алег Краўчанка “выказаў рашучы пратэст беларускага боку”.

У Менску абураныя тым, як праваахоўныя органы Францыі правялі дагляд на чыгуначным вакзале беларускіх хакеістаў, трэнэраў, урача, якія прыехалі для ўдзелу ў чэмпіянаце сьвету. Краўчанка падкрэсьліў, што працэдура прыніжала чалавечую годнасьць.

У паведамленьні МЗС адзначаецца, што беларускі бок запатрабаваў ад уладаў Францыі “правесьці расьсьледаваньне дадзенага інцыдэнту, прадаставіць тлумачэньні, прынесьці прабачэньні, а таксама прыняць усе неабходныя меры па недапушчэньні падобных інцыдэнтаў у будучыні”.

euroradio.fm/яс