Банкі павялічылі аб'ём крэдытаваньня насельніцтва
Паводле прагнозаў эканамістаў, рост аб'ёмаў спажывецкага крэдытаваньня будзе працягвацца.
Аб'ём крэдытаў, выдадзеных банкамі на спажывецкія патрэбы за дзевяць месяцаў гэтага году, павялічыўся на 48,8% — пра гэта сьведчаць дадзеныя Нацыянальнага банка Беларусі. Паводле прагнозаў эканамістаў, рост аб'ёмаў спажывецкага крэдытаваньня будзе працягвацца.
На 1 кастрычніка запазычанасьць фізычных асоб па спажывецкіх крэдытах склала рэкордныя 2,56 млрд рублёў. З пачатку гэтага году паказчык запазычанасьці вырас на 868,6 млн рублёў, або на 48,8%.
Аналітыкі расейскага „Ашчадбанка” таксама лічаць, што беларускія банкі зацікаўленыя нарошчваць партфэль спажывецкіх крэдытаў.
„Ва ўмовах слабага фінансавага стану буйных карпаратыўных пазычальнікаў банкі ссоўваюць крэдытную актыўнасьць у сэгмэнт фізычных асоб”, - гаворыцца ў верасьнёвым эканамічным аглядзе, які падрыхтаваў Цэнтар макраэканамічных дасьледаваньняў „Ашчадбанка”.
Паводле інфармацыі БелаПАН, найбольшыя аб'ёмы спажывецкіх крэдытаў выдаюць „Прыёрбанк”, „Беларусбанк” і „МТБанк” — на іх долю прыпадае каля 40% крэдытаў, выдзеленых насельніцтву на спажывецкія патрэбы.
Банкіры таксама канстатуюць устойлівы рост попыту насельніцтва на такія крэдыты.
belapan.com/аз
Аб'ём крэдытаў, выдадзеных банкамі на спажывецкія патрэбы за дзевяць месяцаў гэтага году, павялічыўся на 48,8% — пра гэта сьведчаць дадзеныя Нацыянальнага банка Беларусі. Паводле прагнозаў эканамістаў, рост аб'ёмаў спажывецкага крэдытаваньня будзе працягвацца.
На 1 кастрычніка запазычанасьць фізычных асоб па спажывецкіх крэдытах склала рэкордныя 2,56 млрд рублёў. З пачатку гэтага году паказчык запазычанасьці вырас на 868,6 млн рублёў, або на 48,8%.
Аналітыкі расейскага „Ашчадбанка” таксама лічаць, што беларускія банкі зацікаўленыя нарошчваць партфэль спажывецкіх крэдытаў.
„Ва ўмовах слабага фінансавага стану буйных карпаратыўных пазычальнікаў банкі ссоўваюць крэдытную актыўнасьць у сэгмэнт фізычных асоб”, - гаворыцца ў верасьнёвым эканамічным аглядзе, які падрыхтаваў Цэнтар макраэканамічных дасьледаваньняў „Ашчадбанка”.
Паводле інфармацыі БелаПАН, найбольшыя аб'ёмы спажывецкіх крэдытаў выдаюць „Прыёрбанк”, „Беларусбанк” і „МТБанк” — на іх долю прыпадае каля 40% крэдытаў, выдзеленых насельніцтву на спажывецкія патрэбы.
Банкіры таксама канстатуюць устойлівы рост попыту насельніцтва на такія крэдыты.
belapan.com/аз