У Менску прэзэнтавалі факсыміле легендарнай «Крыніцы»

У Менску ў канфэрэнц-залі гатэлю «Манастырскі» прайшла прэзэнтацыя факсыміле легендарнай газэты «Крыніца» – да 100-годзьдзя з моманту выхаду яе першага нумару, паведаміла прэс-служба Беларускай хрысьціянскай дэмакратыі.

Выданьне пры падтрымцы Згуртаваньня беларусаў Вялікабрытаніі ажыцьцявіла БХД й каманда міжканфэсійнага хрысьціянскага інфармацыйнага парталу Krynica.info.

Падчас сустрэчы прайшоў дабрачынны аўкцыён у падтрымку спадкаемцаў легендарнага выданьня – парталу Krynica.info. Завершылася прэзэнтацыя канцэртам гурта Laudans.

Газэта «Крыніца», заснаваная ў 1917 годзе як партыйнае выданьне хрысьціянскіх дэмакратаў, зь цягам часу ператварылася ў масавы агульнабеларускі СМІ, і выходзіла ў Вільні ажно да 1940 года. Агулам выйшла 768 нумароў газэты.
«Крыніцу» перасьледавалі польскія санацыйныя ўлады й замоўчвалі савецкія.

Газэту рэдагавалі ксёндз Адам Станкевіч, Браніслаў Туронак, Павел Каруза, дзед Зянона Пазьняка Ян.

вс