Disney i Marvel будуць вырабляць свае цацкі ў Кобрыне

Кобрынская фабрыка цацак «Палессе» ў 2018 годзе пачне вырабляць шырокую лінейку прадукцыі ў розных групах цацак брэндаў Disney i Marvel, паведаміў парталу KobrinCity начальнік аддзелу маркетынгу фабрыкі Андрэй Марчук. Больш дэталяў ён не раскрыў, каб захаваць інтрыгу.

Фабрыка вырабляе канструктары і наборы для пясочніц пад расейскім брэндам «Смяшарыкі». У Кобрыне выпускаюць таксама цацкі амэрыканскага брэнда Smurfs і нідэрляндзкага Miffi, машынкі швэдзкіх Volvo і Mammoet.

nn.by/яс