Чэмпіянат Эўропы па біятлёне пройдзе ў Беларусі

Чэмпіянат Эўропы па біятлёне ў 2019 годзе пройдзе ў Рэспубліканскім цэнтры алімпійскай падрыхтоўкі па зімовых відах спорту «Раўбічы». Пра гэта паведамляе інфармагенцтва Telegraf.by са спасылкай на прэс-службу Беларускай фэдэрацыі біятлёну.

Рашэньне аб правядзеньні чэмпіянату Эўропы ў Раўбічах прыняў Выканаўчы камітэт Міжнароднага саюзу біятляністаў. Спартыўны турнір павінен прайсьці з 18 па 24 лютага.

Раней выканкам Міжнароднага саюзу біятляністаў таксама вырашыў правесьці ў 2019 годзе ў Раўбічах чэмпіянат сьвету па летнім біятлёне.

telegraf.by/ап