Беларусь закрые генконсульствы ў Адэсе, Гданьску й Мілане
Беларусь закрые генконсульствы ў Адэсе, Гданьску й Мілане, заявіў журналістам міністар замежных спраў Уладзімір Макей.
Паводле словаў міністра, у гэтым годзе адбудзецца закрыцьцё генконсульства ў Адэсе. З гэтай нагоды ўжо прынятая адпаведная пастанова Рады Міністраў. Таксама будуць зачыненыя генконсульствы Беларусі ў Гданьску й Мілане. «Мы спынім працу яшчэ двух нашых замежных устаноў у некаторых краінах. Зараз рыхтуюцца адпаведныя рашэньні», – сказаў кіраўнік зьнешнепалітычнага ведамства.
Зь іншага боку, прапрацоўваецца адкрыцьцё новых амбасадаў у адной з краін Афрыкі і ў Эўропе. «Але ўсё гэта за кошт нашых унутраных рэсурсаў, а не павелічэньня колькасьці дыпляматычнай службы», – растлумачыў Уладзімір Макей.
«Мы не такая маштабная краіна, як Расея ці Кітай. Мы павінны вызначыцца выразна са сьпісам тых краін, узаемадзеяньне зь якімі прынясе для Беларусі вялікую аддачу. Гэты сьпіс быў складзены даўно. Але зараз мы старанна прааналізавалі нашу працу, узаемадзеяньне, супрацоўніцтва з гэтымі краінамі за мінулы пэрыяд і разумеем, што нам трэба ўдасканаліць некаторыя акцэнты », – растлумачыў міністар.
Ён удакладніў, што пасьля скарачэньня ў Беларусі будзе 66 замежных устаноў у 56 краінах.
Беларусь закрые генконсульствы ў Адэсе, Гданьску й Мілане, заявіў журналістам міністар замежных спраў Уладзімір Макей.
Паводле словаў міністра, у гэтым годзе адбудзецца закрыцьцё генконсульства ў Адэсе. З гэтай нагоды ўжо прынятая адпаведная пастанова Рады Міністраў.
Таксама будуць зачыненыя генконсульствы Беларусі ў Гданьску й Мілане. «Мы спынім працу яшчэ двух нашых замежных устаноў у некаторых краінах. Зараз рыхтуюцца адпаведныя рашэньні», – сказаў кіраўнік зьнешнепалітычнага ведамства.
Зь іншага боку, прапрацоўваецца адкрыцьцё новых амбасадаў у адной з краін Афрыкі і ў Эўропе. «Але ўсё гэта за кошт нашых унутраных рэсурсаў, а не павелічэньня колькасьці дыпляматычнай службы», – растлумачыў Уладзімір Макей.
«Мы не такая маштабная краіна, як Расея ці Кітай. Мы павінны вызначыцца выразна са сьпісам тых краін, узаемадзеяньне зь якімі прынясе для Беларусі вялікую аддачу. Гэты сьпіс быў складзены даўно. Але зараз мы старанна прааналізавалі нашу працу, узаемадзеяньне, супрацоўніцтва з гэтымі краінамі за мінулы пэрыяд і разумеем, што нам трэба ўдасканаліць некаторыя акцэнты», – растлумачыў міністар.
Ён удакладніў, што пасьля скарачэньня ў Беларусі будзе 66 замежных устаноў у 56 краінах.
белта/вс