ТБМ арганізуе вечарыну памяці Барыса Кіта

6 красавіка споўнілася б 108 гадоў Барысу Кіту – беларускаму асьветніку й амэрыканскаму навукоўцу, аднаму з распрацоўшчыкаў ракетнага паліва для амэрыканскай касьмічнай праграмы. Ён памёр 1 лютага ў Франкфурце-на-Майне, пахаваны на могілках праваслаўнай царквы Сьвятой Елізаветы ў Вісбадэне.

11 красавіка Таварыства беларускай мовы імя Францішка Скарыны запрашае на сустрэчу, прысьвечаную вядомаму беларусу. У імпрэзе возьмуць удзел пісьменьніца Лідзія Савік, гісторык і дасьледчыца Натальля Гардзіенка й журналіст Валер Каліноўскі.

Вечарына адбудзецца ў офісе ТБМ, пачатак а 18.45 (вул. Румянцава, 13).

радыё рацыя/вс