Беларусы крадуць ад беднасьці

На гэтым тыдні КДБ распавёў пра чарговыя крымінальныя справы ў розных галінах. Як беларусы ўспрымаюць такія навіны пра карупцыю?

Грамадзкі актывіст, рэдактар сайта «Рагачоў-Online» Дзяніс Дашкевіч кажа, «што людзі лічаць, што ва ўладзе крадуць усе, але самае сумнае, што гэта ўспрымаецца нармальна». «Мне кожны другі кажа, што каб прыйшоў працаваць у райвыканкам, то абавязкова б краў», – зазначае ён.

Зрэшты, беларусы крадуць і не на чынавенскіх пасадах – ад беднасьці.

У апошнія тыдні ў сельскай гаспадарцы ідуць шматлікія праверкі. Распачатыя паўсотні крымінальных справаў. Узмоцнены кантроль, каб людзі нічога не выносілі з месцаў працы. Дзяніс Дашкевіч кажа, што выніку гэта не прынясе: «Структура сельскай гаспадаркі працуе неэфэктыўна. Людзі змушаныя красьці. Трактарысты – тую самую салярку, каб выжыць, пракарміць сям’ю», - казаў у эфіры Белсат рэдактар сайта «Рагачоў-Online».

belsat.eu/яс