Паломнікі прыбываюць у Будслаўскі санктуарый Маці Божай

Каталіцкія вернікі прыбываюць сёньня ў Будслаў, дзе знаходзіцца славуты Касьцёл Унебаўзяцьця Найсьвяцейшай Панны Марыі, гэта адзін з самых славутых рэлігійных цэнтраў Беларусі, прыкладна за 150 км. ад Менску. Арганізатары спадзяюцца, што падчас двухдзённых урачыстасьцяў у мястэчка прыедзе і прыйдзе каля 30 тыс. паломнікаў з Беларусі і з-за мяжы.

Лёзунг сёлетняй сустрэчы беларускіх каталікоў гучыць так: «Маладыя – надзея касьцёла і грамадзтва». Па словах прэс-сакратар беларускага эпіскапату ксяндза Юрыя Санько, вернікі будуць таксама згадваць важныя падзеі Будслаўскага касьцёла.

Ноччу адбудзецца працэсія вернікаў са сьвечкамі і копіяй іконы Маці Божай Будслаўскай. Ва ўрачыстасьці прыме ўдзел арцыбіскуп Тадэвуш Кандрусевіч і арцыбіскуп, апостальскі нунцый у Беларусі Габар Пінтэр.

ПР/нг