Гомельскія католікі зьбіраюць «абвесткі ад Ісуса»

У Гомелі абвясьцілі конкурс на самую крэатыўную аб'яву ад імя Ісуса Хрыста. Такі конкурс ладзяць гомельскі каталіцкі прыход і сайт katolik.life.

Банар з найлепшым варыянтам плянуецца разьмясьціць на фасадзе касьцёла па вуліцы Савецкай.

Ідэю гомельскія католікі пазычылі ў чэхаў. Там «абвестка ад Ісуса» выйграла рэклямны конкурс Чэхіі. Патрабаваньні да абвесткі на конкурс у Гомелі таксама ўзялі з чэскага досьведу: адлюстраваньне сэнсу хрысьціянскай веры, крэатыўнасьць і ляканічнасьць.

эўрарадыё/вс