У 2019 годзе Беларусі трэба выплаціць па дзярждоўгу 4,2 млрд даляраў

Каля 8,7 млрд рублёў (амаль 4,2 млрд даляраў па курсе Нацбанка РБ на 2018/09/21) трэба будзе накіраваць Беларусі на абслугоўваньне й пагашэньне дзярждоўгу ў 2019 годзе, паведаміла прадстаўнік Міністэрства фінансаў Алена Печань.

На пагашэньне дзяржаўнага доўгу Беларусь накіруе 5,7 млрд рублёў, на абслугоўваньне пойдзе яшчэ 3 млрд, удакладніла начальнік галоўнага ўпраўленьня бюджэтнай палітыкі Мінфіна часопісе «Фінансы, улік, аўдыт».

Акрамя рэфінансаваньня часткі дзярждоўгу, Беларусь на яго пагашэньне й абслугоўваньне разьлічвае накіраваць частку даходаў рэспубліканскага бюджэту, у тым ліку вывазныя мытныя пошліны на нафтапрадукты, паведаміла прадстаўнік Мінфіна.

тэлеграф/вс