Замежныя турысты змогуць рэгістравацца ў Беларусі онлайн

Неўзабаве замежныя грамадзяне змогуць бясплатна рэгістравацца ў Беларусі праз інтэрнэт.

Цяпер іншаземцы павінны зарэгістравацца па месцы знаходжаньня на працягу пяці сутак. Пры канцы 2019 году Міністэрства ўнутраных спраў дазволіць замежнікам знаходзіцца ў Беларусі без рэгістрацыі 10 дзён і праходзіць гэтую працэдуру па інтэрнэце бясплатна.

МУС вырашылі спрасьціць працэдуру рэгістрацыі ў сувязі з ростам турыстычнай плыні і павышэньнем інвэстыцыйнай прывабнасьці краіны.

Пра гэта распавёў першы намесьнік начальніка Дэпартамэнту грамадзянства і міграцыі Міністэрства ўнутраных спраў Віталь Навумчык у інтэрвію газэце «Рэспубліка».

Паводле Радыё «Свабода»/юл