У Менску зноў затрымалі былога палітвязьня Зьмітра Паліенку

У Мінску зноў затрымалі былога палітвязьня Зьмітра Паліенку. Здарылася гэта ўвечары ў аўторак. Пратакол на Паліенку склалі за «выраб, распаўсюд і (альбо) захаваньне экстрэмісцкіх матэрыялаў» – на сваёй старонцы ў Facebook анархіст зьмяшчаў фота, на якім прысутнічаў надпіс з рэспубліканскага сьпісу экстрэмісцкіх матэрыялаў. Ноч ён правёў за кратамі, а 30 студзеня можа адбыцца суд.

Зьмітру Паліенку 24 гады. Ён былы палітвязень, летась выйшаў на волю пасьля паўтара года знаходжаньня ў зьняволеньні. 21 студзеня Паліенку, а таксама анархістаў Яўгена Чуліцкага і Насту Гусеву, затрымлівалі па падазрэньні ў стварэньні антыміліцэйскага графіці ў Мінску. Была распачата крымінальная справа (па факце «апаганьваньня будынкаў і псаваньня маёмасьці»), але праз 72 гадзіны маладых людзей адпусьцілі.

euroradio.fm/эж