Кітайская кампанія можа ўзяць у арэнду беларускі аэрапорт

14 лютага адбылася сустрэча пасла Беларусі ў Кітаі Кірыла Рудога са старшынёй савета дырэктараў карпарацыі Gansu Provincial Highway Aviation Tourism Investment Group Шы Пэйжунам. Бакі абмеркавалі пэрспэктывы рэалізацыі сумесных праектаў у сфэры турызму, фінансаў, адукацыі.

Таксама ўдзельнікі сустрэчы дамовіліся арганізаваць візыт дэлегацыі кітайскай карпарацыі ў Беларусь для вывучэньня магчымасьці арэнды беларускага рэгіянальнага аэрапорта, паведамілі ў пасольстве.

Таксама Кірыл Руды абмеркаваў з гендырэктарам кампаніі Ulavie Лю Цзын’ін завяршэньне рэгістрацыі формулы дзіцячага харчаваньня ААТ «Беллакт» і пляны працы кампаніі на 2019 гады па пастаўках у Кітай беларускіх прадуктаў.

ав