Лукашэнка прысвоіў генэральскія званьні

Кіраўнік Беларусі Аляксандр Лукашэнка 25 лютага падпісаў указы аб прысваеньні воінскіх і спэцыяльных званьняў. Чарговае воінскае званьне генэрал-маёра прысвоена палкоўнікам Івану Багуслаўскаму і Юрыю Шаплаўскаму.

Палкоўніку ўнутранай службы Ігару Болатаву і палкоўніку юстыцыі Паўлу Ігнатаву прысвоены чарговыя спэцыяльныя званьні генэрал-маёра ўнутранай службы і генэрал-маёра юстыцыі адпаведна.

Пракурору Віцебскай вобласьці Вадзіму Сушчынскаму прысвоены клясны чын дзяржаўнага саветніка юстыцыі трэцяга клясу, начальніку Мінскай рэгіянальнай мытні Аляксандру Валіеву – пэрсанальнае званьне дзяржаўнага дарадцы мытнай службы трэцяга рангу.

belta.by/эж