Канцлер Аўстрыі Сэбастыян Курц правядзе перамовы з Лукашэнкам
PR dla Zagranicy
Alena Vialichka
27.03.2019 10:37
Канцлер Аўстрыі Сэбастыян Курц 28 і 29 сакавіка наведае Беларусь з афіцыйным візытам.
wikimedia commons/Okras (Own work)/CC BY-SA 4.0
Асобным пунктам візыту стане сустрэча Курца з кіраўніком Беларусі Аляксандрам Лукашэнкам. Пра гэта паведамляе прэс-служба пасольства Аўстрыі ў Менску.
Таксама канцлер Аўстрыі правядзе перамовы з прэм'ер-міністрам Беларусі Сяргеем Румасам і членамі ўрада, сустрэнецца з прадстаўнікамі беларускай эканомікі.
Паводле інфармацыі пасольства, падчас візыту кіраўнік Аўстрыі прыме ўдзел ва ўскладаньні вянку да манумэнта на пл. Перамогі ў Менску і сумесна з Лукашэнкам адкрые помнік «Масіў імёнаў» аўстрыйскім ахвярам у былым лягеры сьмерці Трасьцянец.
Усяго ў складзе аўстрыйскай дэлегацыі – каля 40 чалавек: прадстаўнікі габрэйскіх суполак, сваякі загінулых у Трасьцянцы аўстрыйскіх габрэяў, а таксама прадстаўнікі аўстрыйскай эканомікі.
Беларускі партызан/ав