Logo Polskiego Radia
Print

Беларускі кіраўнік прыбыў зь візытам у Турэччыну

PR dla Zagranicy
Jury Lichtarowicz 16.04.2019 10:32
Аляксандар Лукашэнка 16 красавіка пачаў афіцыйны візыт у Турэччыну.
foto: svaboda.org

Пра гэта паведаміла прэсавая служба беларускага кіраўніка.

У Анкары заплянаваныя ягоныя перамовы з турэцкім прэзыдэнтам Рэджэпам Таіпам Эрдаганам. Сустрэчы пройдуць у вузкім і пашыраным фарматах з удзелам афіцыйных дэлегацый.

Бакі плянуюць абмеркаваць палітычныя пытаньні ды разьвіцьцё гандлёва-эканамічнага ўзаемадзеяньня. Асаблівая ўвага будзе адведзеная інвэстыцыйнаму супрацоўніцтву і захадам у забесьпячэньні збалянсаванага гандлю.

Аляксандар Лукашэнка заявіў, што чакае такіх жа цёплых і сяброўскіх стасункаў паміж Беларусьсю і Турэччынай, як, напрыклад, з Расейскай Фэдэрацыяй.

Паводле Белта/Радыё «Свабода»/юл

Print
Copyright © Polskie Radio S.A Пра нас Кантакт