У Слоніме прайшла прэзэнтацыя Kamunikat.org

Стваральнік і адміністратар беларускай інтэрнэт-бібліятэкі Kamunikat.org Яраслаў Іванюк разам зь беларускім бардам Віктарам Шалкевічам наведалі Слонім і сустрэліся з журналістамі й чытачамі «Газеты Слонімскай».

Яраслаў Іванюк пазнаёміў слонімцаў з сайтам інтэрнэт-бібліятэкі, распавёў пра яе дзейнасьць, як ёю карыстацца, якія пэрыядычныя выданьні, кнігі, запісы дыскаў і г.д. сёньня знаходзяцца на Kamunikat.org.

Госьць з Беластоку шчыра падзякаваў рэдакцыі «Газеты Слонімскай» і «Слонімскага краю» за тое, што своечасова дасылаюцца сьвежыя нумары гэтых выданьняў на сайт. Яраслаў Іванюк таксама адказаў на шматлікія пытаньні журналістаў.

радыё рацыя/вс