Logo Polskiego Radia
Print

А. Лукашэнка і У. Пуцін размаўлялі пра інтэграцыю

PR dla Zagranicy
Natalia Szymkowiak 14.06.2019 17:07
Лідары маюць намер правесьці двухбаковую сустрэчу ў найбліжэйшы час.
Аляксандр Лукашэнка, архіўнае фотаАляксандр Лукашэнка, архіўнае фотафота: прэс-служба кіраўніка Беларусі

Шэраг двухбаковых сустрэч Аляксандра Лукашэнкі з замежнымі лідэрамі адбыўся на палях саміту ШАС у Бішкеку, піша "Наша Ніва".

Яшчэ да пасяджэньня Савета кіраўнікоў дзяржаў у пашыраным складзе розную актуальную праблематыку кіраўнік Беларусі абмеркаваў з прэмʼер-міністрам Індыі Нарэндра Модзі. Адбылася таксама сустрэча з прэзыдэнтам Аўганістану Ашрафам Гані.

Пасьля завяршэньня афіцыйнай часткі саміта адбылася сустрэча Аляксандра Лукашэнкі са Старшынёй Кітая Сі Цзіньпінам і прэзыдэнтам Расіі Уладзімірам Пуціным

Паводле словаў прэс-сакратара Пуціна Дзьмітрыя Пяскова, Пуцін і Лукашэнка абмеркавалі пытаньні двухбаковага ўзаемадзеяньня.

Пяскоў дадаў, што лідары маюць намер правесьці двухбаковую сустрэчу ў найбліжэйшы час.

Пяскоў падкрэсьліў, што ў ходзе перагавораў абмяркоўваліся пытаньні інтэграцыі.

нг

Print
Copyright © Polskie Radio S.A Пра нас Кантакт