Беларусь і ЭЗ правялі дыялёг па правах чалавека

Бакі шырока абмеркавалі падзеі ў сфэры разьвіцьця дзяржаўнай палітыкі, рэалізацыю Нацыянальнага пляну дзеяньняў у галіне правоў чалавека ў Беларусі ды сытуацыю з правамі чалавека ў краіне.

Асаблівая ўвага была нададзеная свабодзе выказваньня, сходаў і абʼяднаньняў. Удзельнікі таксама разгледзелі палітыку ў дачыненьні да гендэрнай роўнасьці і барацьбы з гвалтам у сямʼі ў Беларусі.

У кантэксьце нядаўніх пакараньняў сьмерцю, што адбыліся ў Беларусі, ЭЗ заявіў пра сваё адназначнае непрыманьне сьмяротнага пакараньня пры любых абставінах.

Чакаецца, што чарговая сустрэча ў межах Дыялёгу па правах чалавека паміж ЭЗ і Беларусьсю адбудзецца ў 2020 годзе.

юл