Расьце стаўка рэфінансаваньня

Нацыянальны банк Беларусі з 12 сьнежня павышае стаўку рэфінансаваньня з 40% да 45%. Гэта ўжо 12-е па ліку падвышэньне за год.

Гэтае рашэньне прадугледжана пастановай праўленьня Нацбанка ад 6 сьнежня, паведамляе дзяржаўнае агенцтва БелТА са спасылкай на ўпраўленьне інфармацыі Нацбанку РБ.

Стаўка рэфінансаваньня вызначае, пад які працэнт галоўны банк краіны пазычае грошы крэдытным арганізацыям. Гэта інструмэнт грашова-крэдытнага рэгуляваньня, з дапамогай якога галоўны банк краіны ўзьдзейнічае на стаўкі міжбанкаўскага рынку, а таксама стаўкі па дэпазытах юрыдычных і фізычных асобаў і па крэдытах, якія выдзяляюцца ім крэдытнымі арганізацыямі.

БелТА/аз