Гомель: чэмпіянат па скалалажаньні

Больш за 200 спартсмэнаў удзельнічаюць у чэмпіянаце Беларусі па спартыўным скалалажаньні, які праходзіць у Гомелі 9-11 сьнежня.

9 сьнежня на гомельскім скаладроме прайшлі спаборніцтвы на хуткасьць сярод дзяўчат і юнакоў.

У сваю чаргу, 10 сьнежня - спаборніцтвы на цяжкасьць, а 11-га — будуць падведзены вынікі, адбудзецца цырымонія ўзнагароджаньня пераможцаў.

Гомельскі скаладром лічыцца лепшым у Беларусі — яго стварыў майстар спорту СССР па альпінізме, трэнэр па скалалажаньні Валерый Отчык.

Спартсмэны й трэнэры спадзяюцца, што пасьля ўключэньня спартыўнага скалалажаньня ў праграму Алімпійскіх гульняў стаўленьне да гэтага віду спорту ў Беларусі зьменіцца ў лепшы бок

БелаПАН/аз