Удзел БХК выключна за дазволам

Беларускі Хэльсынкскі Камітэт атрымаў няўцямны адказ на просьбу прысутнічаць пад час паседжаньняў Камісіі па памілаваньні. Паводле заканадаўства, на такіх паседжаньнях з дазволу камсіі могуць прысутнічаць журналісты, прадстаўнікі грамадзкіх аб’яднаньняў і дзяржаўных ворганаў.

Камісія не адмовіла праваабаронцам з БХК прысутнічаць на сваіх паседжаньнях, але й не дазволіла. “Пытаньне неабходнасьці запрашэньня на паседжаньне Камісыі разглядаецца ў кожным канкрэтным выпадку. Пры ўзьнікненьні такой неабходнасьці „Беларускі Хэльсынкскі Камітэт” будзе пастаўлены ў вядомасьць”, - гаворыцца ў адказе.

На дадзены момант грамадзкасьці невядомыя даты наступных паседжаньняў камісіі, на якіх будзе разглядацца пытаньне жыцьця й сьмерці г.зв. „менскіх тэрарыстаў”. Зазвычай пра рашэньне Камісіі па памілаваньні публічна абвяшчаецца толькі пасьля падпісаньня выніковых папераў прэзыдэнтам.

Нагадаем, рашэньне камісіі зьяўляецца рэкамендацыйным, апошняе слова – за прэзыдэнтам.

Арцём Багданаў, Менск/аз