Брытанцы заступіліся за Воўчака

У адмысловай заяве брытанскія юрысты, аб’яднаныя ў Юрыдычнай супольнасьці Англіі і Ўэльсу, адзначаюць, што арышт беларускага праваабаронцы Алега Воўчака й канфіскацыя ягонага пашпарту перашкодзілі яму выехаць на слуханьні Камітэту ААН па правах чалавека 30-га студзеня, дзе ён павінен быў прадставіць даклад пра сытуацыю зь недзяржаўнымі праваабарончымі аб’яднаньнямі ў Беларусі.

Падпісанты заявы заклікаюць беларускія ўлады вярнуць праваабаронцу пашпарт, калі ён знаходзіцца ў іх, або, калі гэта ня так, тэрмінова выдаць Воўчаку новы пашпарт.

Юрыдычная супольнасьць Англіі і Ўэльсу аб’ядноўвае больш за 150 тысяч адвакатаў.

Некалькі дзён таму аналягічную заяву прыняла Брытанская асацыяцыя адвакатаў-сацыялістаў.

БелаПАН/аз