Ня будзе караў за серп і молат

Ніводны расейскі заўзятар ня будзе ў Польшчы пакараны за савецкую сымболіку, - запэўніла Яанна Муха, польскі міністар спорту. Гэтая заява прагучала ў сувязі з занепакоенасьцю расейцаў, выкліканай выказваньнем польскага дыплямата ў Маскве, які папярэдзіў заўзятараў, каб надта не афішаваліся ў Польшчы з савецкімі сымбалямі.

Яанна Муха запэўніла заўзятараў, што ім няма чаго баяцца.

Яанна Муха: У Польшчы нашэньне камуністычных сымбаляў не забароненае заканадаўствам. Гэтак пастанавіў Канстытуцыйны суд у 2011 годзе. Такім чынам ня будзе ніякіх юрыдычных рэакцыяў з нашага боку.

Міністар спорту верыць, што расейскія заўзятары прыедуць у Польшчу, каб перажыць непаўторныя спартовая эмоцыі, а польскі бок запэўніць ім бясьпеку й камфорт.

Колькасьць расейскіх заўзятараў, якія наведаюць Польшчу, залежыць ад вынікаў расейскай зборнай.

кр