Гайсёнку ўручылі зварот ПАРЭ

У дакумэнце, перададзеным беларускаму амбасадару ў Варшаве, дэпутаты Парлямэнцкай Асамблеі Рады Эўропы патрабуюць неадкладнага вызваленьня Анджэя Пачобута. Днямі ў Страсбургу дэклярацыю падпісалі дэпутаты зь некалькіх дзясяткаў краін, прадстаўнікі розных палітычных фракцыяў. Падпісанты закліка зьвяртаюць увагу на тое, што журналіста арыштавалі за тое, што ён выявіў нявыгадныя для ўладаў факты. У дакумэнце зазначана, што жыхары Эўропы маюць сьвядомасьць вялікай каштоўнасьці, якой зьяўляецца свабода прэсы.

Дакумэнт беларускаму амбасадару ўручыў дэпутат польскага Сэйму Анджэй Галіцкі - чалец ПАРЭ, ініцыятар акцыі.

кр