Завяршаецца эвакуацыя турыстаў
PR dla Zagranicy
Anna Zadrożna
09.07.2012 16:57
Да гэтай пары акцыя эвакуацыі кліентаў „Sky Club” у Польшчу каштавала больш за 3 мільёны злотых.
fot. PAP/Radek Pietruszka
Сёньня ў Польшчу вярнулася чарговая група турыстаў, кліентаў турагенцтва „Sky Club”, якое на мінулым тыдні аб’явіла банкруцтва.
За мяжой застанецца толькі 440 чалавек, якія змогуць закончыць адпачынак і плянава вярнуцца ў Польшчу, - заявіў маршал мазавецкага ваяводзтва Адам Струзік.
Менавіта згаданая ўстанова й польскія дыпляматычныя службы зь мінулага чацьвярга арганізоўваюць эвакуацыю кліентаў турагенцтва „Sky Club”, між іншым, з Турцыі, Эгіпту, Грэцыі, Тунісу.
Да гэтай пары акцыя каштавала больш за 3 мільёны злотых (амаль 950 тысячаў эўра). Грошы выдаткоўваюцца са страхавога полісу турагенцтва.
У Польшчу вярнуліся ўжо больш за 4 тысячы кліентаў „Sky Club”. Эвакуацыя завершыцца 17 ліпеня.
У моманце, калі турагенцтва „Sky Club” аб’явіла банкруцтва, за мяжой адпачывала амаль 5 тысячаў кліентаў фірмы.
аз