Араб параніў нажом паляка

Фота: obozrevatel.ua

10 гадоў пазбаўленьня волі пагражае грамадзяніну Саудаўскай Арабіі, які некалькі разоў параніў нажом паляка. Раённая пракуратура Ольштына накіравала акт абвінавачаньня па гэтай справе.

Напад на паляка здарыўся ў красавіку. У горадзе панаваў антыарабскі настрой. Напрыклад, разносчык піццы наклейваў на дамах арабаў вульгарныя наклейкі, зьяўляліся таксама расісцкія плякаты. Каб залагодзіць канфлікт у Ольштын прыяжджаў нават амбасадар каралеўства Саудаўская Арабія, а ў Варміньска-Мазурскім унівэрсытэце, дзе арабы вывучаюць мэдыцыну, былі зладжаныя Дні арабскай культуры.

У гэтым часе араб пяць разоў ударыў нажом паляка, у выніку засталіся трывалыя й выразна бачныя шрамы на твары й шыі. Адначасова суд прызнаў, што інцыдэнт справакаваў сам паляк, які спрабаваў уварвацца ў кватэру, дзе жылі арабы. У выніку адбылася бойка з выкарыстаньнем нажа.

ав