Адкрытыя чарговыя імёны ахвяраў камунізму

Экспэрты Інстытуту нацыянальнай памяці Польшчы высьветлілі імёны чарговых чатырох ахвяраў камуністычных рэпрэсіяў. Іх целы былі эксгумаваныя летам 2012 году на Паванзкоўскіх могілках у Варшаве. Спэцыялісты ідэнтыфікавалі падпалкоўніка Станіслава Кашніцу, шараговага Балеслава Будэлеўскага, паручыка Тадэвуша Пеляка, а таксама жаўнера Станіслава Абрамоўскага. Усе яны ў часы вайны змагаліся ў антыфашысцкім падпольлі, а пасьля яе дзейнічалі ў антыкамуністычным партызанскім руху, за што былі расстраляныя камуністычнымі ўладамі.

На Паванзкоўскіх могілках летам мінулага году былі знойдзены целы 117 вайскоўцаў, якія сталі ахвярамі камуністычнага тэрору. Гісторыкі спадзяюцца знайсьці сярод гэтых целаў камандуючага Арміі Краёвай генэрала Аўгуста Фільдорфа й маёра Зыгмунта Шэндзеляжа, вядомага пад псэўданімам “Лупашка”.

Маёр Зыгмунт Шэндзеляж, вядомы пад псэўданімам "Лупашка"

IAR/ап