Набліжаецца фэстываль "Новая традыцыя"

Ужо неўзабаве пачнецца адна з найважнейшых падзей фолькмузыкі ў Польшчы – Фолькфэстываль Польскага радыё “Новая традыцыя”. Арганізатарам зьяўляецца Другая праграма Польскага радыё.

16-19 траўня ў варшаўскай канцэртнай студыі Польскага радыё імя Вітальда Лютаслаўскага адбудуцца выступы польскіх і замежных зорак.

У сёлетнім конкурсе прымуць удзел 14 выканаўцаў, абраных з 62 прэтэндэнтаў. Журы ацэніць рэпэртуар, узровень выкананьня, апрацоўку музыкі, стылістычную разнастайнасьць і інтэрпрэтацыю традыцыйнай музыкі.

Кожны дзень фэстываля ўпрыгожаць выступы польскіх і замежных артыстаў.

Вынікі “Новай традыцыі” будуць агучаныя 19 траўня.

ав