Прэм'ер хоча адмяніць фінансаваньне партый

Праект кіроўнай партыі “Грамадзянская плятформа” ў гэтай справе павінен быць гатовы на пачатку наступнага тыдня – казаў у Сэйме кіраўнік ураду.

Дональд Туск размаўляў пра гэта, між іншым, з чальцамі клюбу “Грамадзянскай плятформы” й маршалкам Сэйму Эвай Копач. Пасьля сустрэчы ён казаў, што кіраўнік клюбу Рафал Групіньскі паабяцаў падрыхтаваць праект адмовы ад фінансаваньня партыі зь бюджэту. Прэм’ер спадзяецца, што гэтым разам законапраект атрымае парлямэнтарную большасьць.

Спрэчкі ў справе фінансаваньня партый зь бюджэту зьявіліся пасьля таго, як СМІ пачалі выяўляць, на што ішлі грошы. Частка зь іх выдавалася на раскошу.

ав