Паломнікі на роварах выехалі з Варшавы

Сёньня з Варшавы на Ясную Гару – галоўны рэлігійны цэнтар у Польшчы ў Чэнстахове - адправіліся 500 паломнікаў на роварах.

Самаму маладому ўдзельніку шэсьць гадоў. У гэтым годзе ў групе паломнікаў апынулася, між іншым, грамадзянка Нямеччыны, вядомы польскі палітык, група прафэсараў і шмат маладых людзей.

Паводле ініцыятара роварнага паломніцтва Яцэка Міхальскага, раварысты надаюць традыцыйным паломніцтвам у Чэнстахову больш калярытнасьці.

Роварнае ды іншыя паломніцтвы сустрэнуцца на Яснай Гары 15 жніўня падчас сьвята Ўнебаўзяцьця Найсьвяцейшай Панны Марыі.

аз