Amazon адчыніць лягістычныя цэнтры ў Польшчы

Сусьветны гігант інтэрнэт-гандлю Amazon адчыніць лягістычныя цэнтры ў Польшчы. Агулам цягам бліжэйшых трох гадоў сталую працу ў іх знойдзе 6 тысяч чалавек. Дадатковыя 9 тысяч працаўнікоў будуць патрэбныя ў навагодні пэрыяд.

Сёньня ў Міністэрстве гаспадаркі прадстаўнікі амэрыканскай фірмы й Польскага агенцтва інфармацыі й замежных інвэстыцый падпісалі дакумэнт аб намерах у гэтай справе.

Першыя два лягістычныя цэнтры пачнуць працу ва Ўроцлаве й Познані ў будучым годзе, а трэці цэнтар у 2015. У кожным зь іх фірма пляную ўтварыць 2 тысячы сталых месцаў працы плюс па 3 тысячы сэзонных.

Польскія цэнтры будуць уключаныя ў амэрыканскую сетку Amazon і будуць абслугоўваць нямецкія аддзелы. Фірма пакуль не плянуе адчыняць старонку на польскай мове.

ав