Беспрацоўе ў кастрычніку склала 13%

Апошнія дадзеныя па беспрацоўі - гэта станоўчы прагноз для рынку працы, - кажуць экспэрты. Паводле апошніх дадзеных Галоўнага статыстычнага ўпраўленьня (GUS), у кастрычніку, як і ў мінулых месяцах, узровень беспрацоўя складаў 13%.

Паводле Артура Скібы з кампаніі, якая займаецца пошукам супрацоўнікаў, гэта вельмі добры вынік, таму што ў чацьвёртым квартале беспрацоўе традыцыйна расьце.

Артур Скіба: Многія эканамісты сьцьвярджалі, што ў чацьвёртым квартале беспрацоўе зноў будзе расьці. Тым часам, калі яно мае стабільны характар, то ў сакавіку й красавіку будучага года, калі гэтая тэндэнцыя будзе працягвацца далей, можна будзе спадзявацца значнага падзеньня ўзроўню беспрацоўя.

- кажа Артур Скіба.

Паводле экспэртаў, можна чакаць, што бліжэйшыя месяцы прынясуць паляпшэньне сытуацыі й усё больш людзей будзе вяртацца на рынак працы.

Колькасьць беспрацоўных, зарэгістраваных у службах занятасьці ў кастрычніку, склала больш за 2 мільёны 75 тысячаў чалавек. Гэта шмат, але адмыслоўцы перакананыя, што фірмы пачнуць павялічваць працаўладкаваньне. Яны таксама адзначаюць, што перадкалядны пэрыяд таксама можа прынесьці некаторае ажыўленьне на рынку працы.

аз