Варшаўская Маніфа з нагоды Дня жанчын

Роўнасьць у школе, дома, на працы – пад такім заклікам у Варшаве адбылася гэтак званая Маніфа. Гэта шэсьце з нагоды Дня жанчын. Сёлета асноўная тэма – правы жанчын. “Маніфа – гэта наш пратэст супраць сацыяльнай няроўнасьці”, - адзначае арганізатарка Маніфы Ева Данброўска-Шульц.

Э. Данброўска-Шульц: Польскі ўрад зацягвае падпісаньне закону аб прадухіленьні хатняга насільля. Нам абяцаюць выхаваньне дзяўчынак і хопчыкаў у роўнасьці, пачынаючы зь дзіцячага садка. Але гэтага пакуль няма. Трэба тлумачыць дзецям з маленства, што ў жанчын няма генаў дзеля мыцьця посуду ці прыбіраньня кватэры, а ў мужчын няма генаў, якія прымушваюць іх глядзець матчы па тэлебачаньні.

Важная таксама роўнасьць на працы. У Польшчы жанчыны ўсё яшчэ зарабляюць менш, чым мужчыны на аднолькавых пасадах.

Як кожны год у шэсьці ўзялі ўдзел таксама палітыкі. А некаторыя ўдзельнікі ехалі на адмысловай плятформе, з якой гучала музыка й лёзунгі дэманстрацыі. Маніфа прайшла па галоўных вуліцах Варшавы, а закончылася каля будынку парлямэнту.

ІАР/нг