Прафэсіяналы й мэнаджары запатрабаваныя на польскім рынку

Гэтак вынікае з апытаньня, праведзенага цэнтрам Antal International.

Гаворка ідзе пра супрацаўнікоў, якія ў мінулым годзе наймаліся на працу ў добрых фірмах, і ў якіх як мінімум 2 гады прафэсійнага досьведу, ды якія добра ведаюць рынак.

Польшчы ўжо пэўны час не хапае таленавітых людзей, бо адсутнічаюць патрэбныя ў бізнэсе кампэтэнцыі. І калі хто іх мае, працадаўцы гатовыя добра заплаціць, кажа Артур Скіба з Цэнтра апытаньняў Antal International.

А.Скіба: Найлепшыя заробкі атрымліваюць топ-мэнаджары – старшыні праўленьня фірмаў. Таксама мэнаджары па продажах, якія зарабляюць 5 тысяч даляраў і больш. Заробкі юрыстаў на падобным узроўні. Добрыя заробкі ў трэйдараў, спэцыялістаў па справах лягістыкі. Ёсьць пасады, дзе заробкі могуць перавышаць зарплату інфарматыкаў.

Найменшыя заробкі спэцыялістаў у Польшчы назіраюцца ў дзяржаўнай і муніцыпальнай адміністрацыях.

яс