У Польшчы зьмяншаецца беспрацоўе

У красавіку ўзровень беспрацоўя ў Польшчы ўпаў да 13%. Гэта на 0,5% менш, чым у сакавіку, ацэньвае Ведамства працы.

У папярэднім месяцы колькасьць беспрацоўных скарацілася больш чым на 100 тысяч чалавек. У службах занятасьці ў канцы красавіка было зарэгістравана 2 мільёны 82 тысячы чалавек, прыкладна на 174 тысячы менш, чым у мінулым годзе.

Паводле Ведамства працы, бачнае выразнае ажыўленьне на польскім рынку працы. Польскія фірмы хочуць працаўладкоўваць новых супрацоўнікаў.

Узровень беспрацоўя зьнізіўся ва ўсіх ваяводзтвах. Найбольш рашуча, то бок на 1%, у Варміньска-Мазурскім ваяводзтве. Дарэчы, гэта рэгіён з самым высокім узроўнем беспрацоўя ў Польшчы.

Самы нізкі ўзровень беспрацоўя назіраецца ў Вялікапольшчы, дзе ён складае 9,1%. У красавіку ён зьнізіўся на 0,5%.

аз