Вэстэрплятэ замест параду на Чырвонай Плошчы

Ідэю Браніслава Камароўскага, каб на 70-ыя ўгодкі заканчэньня ІІ сусьветнай вайны сабраць эўрапейскіх лідараў на Вэстэрплятэ, цікавая й сьедчыць аб тым, што канец вайны быў пачаткам эўрапейскай інтэграцыі – сказаў сёньня міністр замежных справаў Гжэгаж Схэтына ў інтэрвію радыё TOK FM.

Ён дадаў, што падчас урачыстасьці з нагоды 70-годзьдзя вызваленьня нямецкага лягера Аўшвіц прэзыдэнт Браніслаў Камароўскі сустрэўся зь некалькімі кіраўнікамі дзяржаў і закрануў гэтую справу.

У панядзелак Браніслаў Камароўскі заявіў, што будзе намагацца арганізаваць у Гданьску адзначэньне юбілею заканчэньня ІІ сусьветнай вайны.

“Дата 8 траўня ў нарацыі СССР – гэта час трыюмфу. Але не ўсім народам Эўропы гэты трыюмф прынёс свабоду. Дасканалым месцам на такую агульнаэўрапейскую рэфлексію павінна стаць Вэстэрплятэ, сымбаль пачатку ІІ сусьветнай вайны” – сказаў Камароўскі ў размову са штодзёнкай „Gazeta Wyborcza”.

На ўрачыстасьць плянуецца запрасіць усіх кіраўнікоў краін Эўрапейскага зьвяза.