Польскі лыжнік прапаў у гарах Каракарум

У раёне піка Гашэрбрум II (частка горнага ланцугу Каракарум) ідзе пошукавая апэрацыя - ратавальнікі шукаюць польскага лыжніка Олека Астроўскага, які прапаў падчас вяртаньня пасьля няўдалай спробы ўзыходжаньня на пік.

У пошукавай апэрацыі прымаюць удзел трое мясцовых жыхароў-праваднікоў. Апэрацыю каардынуе полька Кінга Бараноўская, якая раней заваявала пік Гашэрбрум II.

Двое польскіх лыжнікаў - Олек Астроўскі і Пётр Снігорскі 26 ліпеня зьязджалі з гары ў бок базы. Паміж першай і другой базай Астроўскі, які ехаў сьледам за партнэрам, зьнік.

Гашэрбрум II - гэта самы нізкі васьмітысячнік горнага ланцугу Каракарум (8035 мэтраў). Пік знаходзіцца на пакістанска-кітайскай мяжы.

эб