Стары спартыўны абутак можа дапамагчы ў Афрыцы

Сэбастыян Белы з фонду, тлумачыць, што абутак у Афрыцы патрэбны ў першую чаргу для захаваньня здароўя.

С. Белы: Ходзячы басяком людзі падвяргаюцца небясьпецы інфэкаваньня бактэрыямі і паразітамі, якія пранікаюць праз раненьні. Такім чынам імунітэт арганізму аслабляецца. У выніку ў мясцовых жыхароў вельмі хутка разьвіваюцца разнародныя хваробы.

Сэбастыян Белы тлумачыць, што спартыўны абутак найлепш спраўджваецца ў Афрыцы, бо ён лёгкі і выгодны.

Ініцыятарам акцыі зьяўляецца амэрыканскі бягун Тоні Тансэр. Фонд „Shoe4Africа” ня толькі адпраўляе абутак у Кенію, але таксама пабудаваў школу і бальніцу.

Польская пасылка з абуткам будзе адпраўлена ў Кенію ў студзені. Падрабязнасьці аб магчымасьці перадачы абутку можна паглядзець у фэйсбуку на профілі фонду „Абутак для Афрыкі”.

яс