Вялікі аркестар грае 24-ты раз

Па ўсёй Польшчы валанцёры зьбіраюць ахвяраваньні ў рамках мерапрыемства, якое называецца Вялікі аркестар сьвяточнай дапамогі. Сёлета зьбіраюцца сродкі на набыцьцё апаратуры для лячэньня дзяцей і ў мэдцэнтры, дзе лечаць пажылых людзей.

Акцыя праходзіць ужо 24-ты раз. За гэтыя гады ўдалося закупіць 35 тысяч штук апаратуры. Ініцыятар і кіраўнік мерапрыемства Ежы Оўсяк адзначыў, што цяпер аркестар ужо мяняе старыя інкубатары для дзяцей у пэдыятрычных аддзяленьнях, якія былі купленыя 20 гадоў таму.

Збор грошай праходзіць галоўным чынам на вуліцах польскіх гарадоў. Таксама адбываюцца аўкцыёны залатых сэрцайкаў. У інтэрнэце вялікім зацікаўленьнем карыстаўся аўкцыён, на якім можна было атрымаць магчымасьць трэніроўкі з нацыянальнай польскай зборнай па футболе.

У гэтым годзе паявілася іншая навінка – валанцёры выйшлі зьбіраць грошы з банкаўскімі тэрміналамі. Так што жадаючыя могуць ахвяраваць ня толькі наяўныя, але таксама зрабіць грашовы перавад банкаўскай картачкай.

ІАР ПР/нг